Lapur minak

Sinopsia

Txema auzoko tipo zintzoa da. Denek maite dute. Orain, gainera, loterian saritua gertatu da, 6 milioi euro, hain zuzen ere, eta guzti-guztia oparitzea erabaki du. Bere lagun minak bere bihotz-zabaltasunaz nazkatuta daude eta diruarentzat oso bestelako asmoak dituzte.

Saritutako billete bat,
ergel bi (gutxienez),
amodiozko triangelua
eta lau lapur min…
Hau zoriona!!

“GODOT” antzezlanaren arrakasta eta gero, Cía.Tornado bueltan da komedia korapilatsu eta lotsagabe honekin.

“LAPUR MINAK” clown hizkuntza eta komedia nahasten dituen kale antzerki ibiltaria da eta funtzio bakoitzean lekuaren ezaugarri berezietara moldatzen da ikusleak batetik bestera eramanez lau ganorabako hauen atzetik.

Iraupena 60 minutu

Hizkuntzak Euskara / Gaztelania

Pertsonaiak

Lagunak…

Agathak Hola!-ren portada izan nahi du. Aberatsa izan nahi du, ospetsua eta zapata berriak erosi… Zapata berri piloa. Eta horretarako, Txemaren boletotxoa lagungarria izan daiteke.

Santi  Txema bezain bihotz oneko tipoa da. Badauka ahulezi bat baina: Agatharekin maiteminduta dago eta edozer gauza egingo luke beragatik. Zoritxarrez, Agathak badaki hori.

Nandok, Agatharen bikotekide ohiak, bizipen berriak izan nahi ditu eta seguru dago Euromilioiak bere burua hobeto ezagutzeko aukera emango diola. Bere burua…eta besteena!

…eta eskuzabala

Txema Ekologista, altruista, eta mundu jasangarri baten alde dago…eta aberats bihurtu berri da!! Ulertzekoa da hainbeste eskuzabaltasuna zenbaitentzako horren jasangarri ez suertatzea…

Talde artistikoa

Antzezleak

Patricia Urrutia
Aitor Fernandino
Paco Revueltas
Ion Zumelaga

Zuzendaria

Pablo Ibarluzea

Egilea

Angel Mirou

Diseinu grafikoa

David Justo

Webmaster

Amaia Etxebarria

Esker ona

Aitor Aresti
P6 arte eszenikoa
Palataforma Tirante
Artedrama

Kolaborazio berezia

Leioako Umore Azoka

Banaketa

Naia Muñoz Murua
+34 644 61 86 43
banaketea@atxteatroa.com

Leku-betekizunak eta beharrizan teknikoak

LAPUR MINAK proposamen ibiltaria da. Akzioa lokalizazio desberdinetan kokatzen da. Publikoak istorioa jarraituko du espazio desberdinetan zehar pertsonaien atzetik.

“Site specific” espektakulua da. Emanaldi bakoitzean, ekintzak lokalizazio desberdinetara moldatu egiten dira eta publikoa gurekin eramaten dugu antzerkiaren ekintzari jarraituz. Testuari dagokionez, emanaldi bakoitzean herriko, auzoko…gertakari eta ezaugarri zehatzak jasotzen ditugu, dramaturgian integratuz eta ikuskizun dinamokoa sortuz (adibidez Gasteizen biktimak elkarte ekologista batean Salburuako Hezegunearen defentsan lan egiten du eta ekintzetako bat hiri-ortu batean gertatzen da).

Konpainiak errepresentazioa egingo den lekua aldez aurretik behatuko du lokalizazio lana egiteko eta proposamenak moldatzeko eskuragarri diren espazioetara. Bai lan horretarako bai emanaldiaren egunerako, beharrezkoa da antolakuntzako produkzioko pertsona baten laguntza izatea.

Argiztapenari dagokionez, egunez gertatzen bada, ez da beharrezkoa inolako argiztapen berezirik. Gauez programatzen bada, beharrezkoa izango da espazioa argiztapen orokor batekin argiztatzea (panoramekin).

Antzezlanak testua dauka, hala ere, konpainiak ez du anplifikaziorik erabiltzen. Espazioa aukeratzeko orduan, hau kontuan hartu beharko da baldintza akustiko egokiak bermatzeko.

Eskuko eskailera bat behar da eta gurpildun kontenedore bat.